Yr adolygiad
Mae AGIC yn cynnal adolygiad cenedlaethol o wasanaethau Therapi Electrogynhyrfol (ECT) ledled Cymru. Gellir dod o hyd i ragor o wybodaeth am yr adolygiad yma: Pa mor effeithiol y caiff gwasanaethau ECT eu harwain, eu llywodraethu a'u cyflwyno ledled Cymru i ddarparu gofal diogel, cyson, sy'n canolbwyntio ar yr unigolyn? | Arolygiaeth Gofal Iechyd Cymru
Fel rhan o'r adolygiad hwn, hoffem glywed gan gleifion, cyn-gleifion, gofalwyr, aelodau o deuluoedd, eiriolwyr ac aelodau eraill o'r cyhoedd sydd wedi cael profiad o wasanaethau ECT yng Nghymru.
Rhannwch gymaint neu gyn lleied ag yr ydych yn teimlo'n gyfforddus yn ei rannu am eich profiad. Gallai hyn gynnwys y wybodaeth, y gofal a'r cymorth a gawsoch, i ba raddau roeddech yn teimlo eich bod yn cael eich cynnwys mewn penderfyniadau am driniaeth, beth weithiodd yn dda, ac unrhyw awgrymiadau ar gyfer sut y gellid gwella gwasanaethau.
Os byddwch yn dewis trafod dros y ffôn neu drwy Microsoft Teams, bydd aelod o dîm yr adolygiad yn cysylltu â chi i drefnu sgwrs. Mae'n bosibl y byddwn yn defnyddio nifer bach o gwestiynau i helpu i lywio'r drafodaeth, ond dim ond yr hyn rydych yn teimlo'n gyfforddus yn ei drafod y bydd angen i chi ei rannu.
Bydd eich adborth yn ein helpu i ddeall y profiad o drefnu gwasanaethau ECT yng Nghymru ac o dderbyn y gwasanaethau hynny, gan gynnwys beth sy'n gweithio'n dda a ble y gall fod angen gwneud gwelliannau. Bydd yr hyn y byddwch yn ei ddweud wrthym yn helpu i lywio canfyddiadau ac argymhellion cenedlaethol AGIC.
Noder na allwn ymchwilio i gwynion unigol. Gellir dod o hyd i ragor o wybodaeth am broses bryderon AGIC yma: Darparu adborth am wasanaeth gofal iechyd | Arolygiaeth Gofal Iechyd Cymru